Mizoram ah Assam Riffle le Mizo Polik Nih Kan Hriamnam Tamtuk An Tlaih Than

Mizoram ah Myanmar rammi panga telh in minung pa7 sin in hriamnam le ralram hmanmi thilril tampi an tlaih hawi cang.

Mizoram Saiha pengkomh chungah Myanmar rammi panga telh in minung pasarih sin in ral ram ah hmanmi thilril tampi hna cu September 21 ah tlaih a sii tiah Mizoram cozah nih thanh.

An tlaih mi rallam hman mi chungah Thli meithal, kuan , Uniform, angki kuthruk, Phanah hna an si i India phaisa Rupee in ting 16 man tluk a si lai tiah irunvennak vunci Mahendra Rawat nih india hrambunh Indo-Asian News Service (IANS) thawngzamh ca sin ah a chim.

Mah thilril le Myanmar rammi panga le India rammi pahnih hna he kan tlaih chih hna tiah an langhter.Assam Rifles le Mizoram polik i fonh in Saiha Pengkomh chung hmunhma zohfelnak an tuahnak ah Niawtlang kam ah motor pahnih cu an dirter i checkhlatnak an tuah hna tik ah a tu bantuk in an tlaih hi a si.

An tlaih mi thilril pawl cu pehzulh in hlathlainak tuah dingah cozqh phungphai ning in Saiha polik sakhan lei ah kuat a si tiah an langhter.

Mizoram cu Myanmar ram he kilometer 510 tluk a hlatnak ramri khamnak a um lonak hmun ah a um mi a si caah hmawngkhu thi hriamnam, Suible a dangdang pawl a thilthup in an luhpi lengmangnak hmun a si tiah IANS thawngzamh ca nih an tial.

Leave a Comment