Min Aung Hlaing Kan Tei Hlan Ah Kanmah Le Kanmah Kan I That Dih Te Men Lai

[ad_1]

Min Aung Hlaing kan tei hlan ah kanmah le kanmah kan i that dih te lai. A tu hmanh ah kan buai tuk cang

Chinmi hi mah pengtlang a tanh tuk mi miphun kan si. A hrampi cu kan thancho lo tuk ruang ah a si. Kawlram uknak that lo ruang ah lam le sul pehtlaihnak a tha lo i khua khat le khua khat, tlang khat le tlangkhat kar ah kan i tlawnkai a tlawm caah kanmah umnak lawng ah kan um peng caah mah pengtlang tanhnak thinlung hi a tamtuk nak a si ko.

Pengtlang kip in CDF dir cio a si. Mara miphun zong hriamtlai phu hnih in an um. CDF Mara le MDF Mara tiin an um. An lung ai hmu kho lo. Kap hnih kar ah voi hnih bak kahnak a chuak cang. Nai hrawng an buai ning a linsa taktak.

CDF Mara zong dirpi tu upa tampi an ngei. MDF zong dirpitu upa tampi an ngei hna. Hmunhma an i cuh. An kar ah thisen luannak tiang a chuak cang.

CDF nihhin kanmah kan tlang kan peng cu kanmah nih kan uk lai timi hi a poi bikmi a si. Chin ramkulh huap pi in uk tu kan ngeih lo mi hi a poi bikmi a si. A rannak in Chin ramkulh pia uk tu mipi cozah kan ser zokzok a hau. CJDC  an um nain an nih cu hriamtlai phu fonh an si caah a cohlang kho lomi tampi an um. CJDC ah ai fonh duh lomi zong an um hna.

Hi tihin sau nawn kan kal rih i Min Aung Hlaing uknak hi kan tei zokzok lo ahcun Mara lei lawng si loin pengtlang dang kar zong ah rem lonak a chuak te kho men mi a si cang.

Pengtlang cio in hriamtlai kan ram ummi hi a thatnak tampi a um. Min Aung Hlaing ralhrang dohnak caah kan thazang a thawn deuhnak ding a si ko. Sinain khat lei ahcun a tu bantuk pengtlang thisa le kan peng kan ram tiin cawlcanghnak ruang ahhin a that lonak tampi a um ve.

Kachin ramkulh i KIA le Rakhine ramkulh i AA bantuk khin CNA hi thazang thawn taktak a herh. A buaimi le a buai dingmi pengtlang hriamtlai tete hi an thazang zorter a hua. Cawl kho loin tuah an hau.

Ralhrang doh can hi tu hnu kum 10 zong a rau te kho. Hmailei kan pengtlang CDF dirhmun hi chim khawh a si ti lo.

[ad_2]

Source link

Leave a Comment

error: Content is protected !!