Breaking News: Hakha Timit Ah Ralhrang Pakhat Kahthah Asi

[ad_1]

Breaking News: Timit um Chin ralkap nih nihin October 12, zinglei sml 10:00 hrawng ah SAC ralkap pakhat cu sniper in an kah i a thi, tiah theih a si.

Chin ralkap nih SAC ralkap pakhat an thah tlawmpal ah hriamngan voithum hrawng ralkap nih an puah, tiah theih a si. Thawngpang update a um ahcun thanh khawh kan i zuam ṭhan lai.

May be an image of 1 person and bridge

Thantlang Khua, Van Thio Inn Ah CNA/CDF-Thantlang Nih Hmunhma An Lak Khawh Than: Chin ramkulh Thantlang khua chung SAC ralkap nih an rak lak cangmi Van Thio inn ah CNA/CDF-Thantlang nih nihin zinglei suimilam 1 ah hmunhma an va laak khawh than tiah, theih a si.

May be an image of outdoors

Zinglei suimilam 1 ah kahding in an van kal tik ah cun SAC ralkap pakhat hmanh an rak um ti lo caah CNA/CDF-Thantlang nih hmunhma an lak than hi a si, theih a si. Credit The chin post

Relchap, Sagaing ramṭhen, Kani peng Chindwin tiva thluan in a kalmi SAC ralkap tilawng cu, PDF nih an kah caah SAC ralkap officer 1 telh in ralkap 7 an thi, tiah theih a si. SAC ralkap tilawng cu October 6 ah Kani khua in a chuak i, ṭangṭi PDF nih an kah hna caah zaanlei sml 2:30 hrawng ah Uhmah(အုမ္မ) khua ah an riak.

October 7 zinglei sml 7:00 hrawng ah an chuak ṭhan i, Taungkulung(တောင်ကိုးလုံး) chaklei an phak ah 60mm telh in hriamngan in an kah ṭhan hna caah SAC ralkap officer 1 pakhat telh in ralkap 7 an thi, tiah theih a si.

Relchap>>>>Ralhrang 20 Leng An Thah Hna, tor AN Hliam Fawn Hna
Taze Kahdohnak Ah SAC Ralkap 20 Nak Tlawmlo An Thi, Hliamtuar An Tam

Sagaing tamṭhen, Taze peng Shweṭa(ရွှေတ) khua pawngah rallam sialmi SAC ralkap le Taze PDF kar ah October 11, zinglei suimilam 9:00 hrawng ah fakngai in kahdohnak a chuak. Cu kahdohnak ah cun SAC ralkap 20 nak tlawmlo an thi i, minung 20 hrawng nih hliamhma an tuar tiah theih a si.

Minung thazaang 100 hrawng he rallam sialmi SAC ralkap le pyusawhṭi phufonh hna cu Bu Ti Sait(ဗိုလ်သိစိတ်) hruaimi Taze PDF, Shwebo pengkomh battalion 6, battalion 7 le tualchung hriamtlai phufonh hna nih hriamngan, hriamhme le sniper in kan kahdoh hna tiah ral hmaikal ralkap pakhat nih a chim.

“Kahdohnak thawkka ah SAC ralkap 6 ruak hmuh an si, hmai an fon rih caah kan kahdoh ṭhan hna i minung 4 an thi ṭhan, 20 leng nih hliam an tuar, cun sniper kahnak in pakhat a thi ṭhan. SAC ralkap hna hi a hlan tei a thimi an ralkap ruak hi hloh an duh caah an phurh peng” tiah tualchung hriamtlai phu lei in ral hmaikal ralkap pakhat nih a chim.

[ad_2]

Source link

Leave a Comment

error: Content is protected !!