Pathian dantatnak si sual maw….

Journalist phunphai a lomi caṭialhuam sawh kei bantuk i thai ah cun, zeite ah nan rel lai lo. Nain, nikum hrawng nai cikua ka cuanh zawnah cun, “Pathian dantat kan si ko rua hlah maw?” ti khi ka ruat tawn.

Pathian dantatnak si sual maw….

Dan an tat bak ko hna ti khi, zei maw caan ahcun van langhter cu ka duh pah tak, ko. Nain, cucu a ingtu caah ifahsaknak bia a va si sual khawh tikah khin, hei phuan lawlaw lam cu ka ngamh ve fawn lo.

Theinsein democracy chan kha, chan thar Kawlram democracy ah cun a rak nuam bik. Minung an kan upat. Kan rights an rak hngalh i cozah rianṭuan tam deuh cu upat awktlak lawngte an rak si. Thein Sein chan Kawlram luh cu a rak nuam tuk.

Suhci chan zong ah Kawlram chung ka lut.

Ram pakhat i kan dirhmun khi airport, a bik in ramri airport pawl le IMM Dept. pawl, cun palik pawl hoiher le hmurka khin zei bantuk dirhmun dah ti khi tampi a cuai thlai khawh si ko.

Democracy ai ti ngang ṭungmi ah cun, Suhbaw chan kha ka huat bik. Than Shwe chan lawlaw kha ka uar deuh. Biatak a si.

Suhbaw cu, a ti khawh lo dingmi khi ai tuahter i zei huaha si lo ti khi hmuh khawh tuk si cu.

Mit-au thiam lawng nih nan rak hmuh lai. Zamolh nih nan rak theih kho nemmam lai lo.

Cuti cun a von kal ko i, Twenty Twenty thimnak lio ahkhan awtaw awnh nawl a cawng luklak, Kawl awnh in awnh ve ai tiim luklak tehna pawl kha a rak laar cem an si.

Ka ngaih a rak chia ngai.
Mah miphun te hi ithim cang uh. Kan chiat ah siseh, kan ṭhat ah siseh, mah le mah cu itheihthiamnak in iti ngam khawhnak a um dah kaw, ka rak ti.

Ne Win chan nak zual deuh phun khi Laimi nihcun panh an rak itiim. A si ko cu. Ne Win chan ahkhan ramkhel kong ah Laimi kan rak fiim tuk rih lo.

2020 ahkhan cun a fiim ngai ding kan rak si cang nain….

Lai awtaw nawlcawng langak tuumpi a rak chuak.

Langak tuum chiahrupi cu ka rak soisel ti ko usih. A dik lonak um loin a dikmi bia khi ka hei thai.

Ka kong a rak hlat ti si. NLD nih cozah kan tlaih lai i Kawlram a tlun ngam cun, ra seh ca, thong kan thlak lai, ti phun khi a si, an ka ti.
Ka ngaih zong a chia lo. Nain, ka zaang an faak.

“Nanmah lubo pawl chan hlanah thil tampi ka rak ton cang” ti khi chimh zong ka duh ngai ko hna nain, ka hei au leem lo.

Kha lelhlulh bantuk lawng kha an rak si lo. Laimi (Chin) pawl cu zaangfak kan tampi.

A ngai tiah cun, kha bantuk lelhlulh pawl ruangah khin dahkaw Kawlram cu ai thlen rih nemmam rih lai lo ding khi kan theih tuk cu.

Tuanbia dik kan thai lai tiah cun, an sining te khin langhter an si te hnga i ….”a ṭhatnak deuh in seh” ti phun rumro i nan ilak chung khi cu… Dohthlennak hrimhrim tuah itiim rih hlah uh.

Ramkhel kong zong kan ifiang rih hna lo hi. Dohthlen ding hrimhrim ah cun ai ai ai…. “Eee khei, khei, khei, khei…” ti ding ceo kan si ko hih.”Mah hngae lo keimah” iti hau! Credit-Salai C. Alexander

Leave a Comment

error: Content is protected !!