Mipi a buaitertu CDF na si nak ca cun CNA ah lut lawlaw uh

Atu kan boruak cu revolution(တော်လှန်ရေး) caan asi. Cozah uk ning(နိုင်ငံရေး) caan asi lo ti hi mipi nih a pakhatnak ah kan i chinchiah peng a herh. A cheu cu တော်လှန်ရေး nak in နိုင်ငံရေး hi a biapi ah kn chiah deuh. Kan ral MAH kan tei le tei lo a fiang hlan in mah le miphun tanh hlei nak, covo ee..cu ee..kha ee..kanmah le miphun kan tanh cio kan ti nak ah pengtlang in CDF dirh dih asi.

Cozah thlennak (revolution) le Uknak (politics) timi hi atu kan boruak ah kan thleidan kho lo.

MAH kn tei hmasa lo ahcun kan covo kn ngah kho hlei lai lo i, a hlan i Tan Shwe chan bantuk in kan kal thiam ko lai caah Teinak tu hi a biapi ah chiah ko hna uh sih. MAH teinak ah lungrual in ifuntom a herh. Pengtlang tanh hleinak, covo ee, cu ee, kha ee timi kha kan kal tak hmasa a herh.

Pengtlang CDF an tam tuk nak ah mipi le khuami zong an buai chin. Mipi a buaitertu na si nak ca cun CNA ah luh lawlaw uh law a tha deuh. CNA nih pengtlang cio ah an chiah ve ko hna lai. Atu nak in thawng hmanh nan thawng deuh lai. Strategy zong nan thiam deuh lai.

kum 30 leng hriam a tlai cang mi CNA hmanh nih nihin tiang ah mipi le khuami an buaiter bal rih hna lo. Naite i a dir mi nih khuami le mipi kn buaiter tuk cang hna. CDF i a hrambik asi mi ramleng lei in bawmnak a petu zong nih tanh hlei nak pengtlang na ngei tuk ahcun hi nak in a buai chin deuh te lai.

Pengtlang ah tanh hlei nak a ngei lomi Tlangcungmi hriamtlai phu AA, KNU+PDF, KIA+PDF, PDF le a dang hna khi zoh hna uhlaw kanmah lei nak in cun an thawng deuh ko.

Pengtlang CDF hriamtlai phu an lungrual nak ding le ifuntom khawh nak dingah kn pale pawl nih biatak tein nan kan tlangtlak lo ahcun kn buai chin ko lai hih. Ceunak ram panh loin muinak ram tu ah kan panh thluahmah cang hih. MAH bel cu a nih kan chuah ngai lai. Laknak Credit-Zar Maung FB

Leave a Comment

error: Content is protected !!