CNA hi 10,000 an tlin i hriamnam tling le tha an ngeih ahcun kan Chinram hi kanmah tein kan i uk kho lai.

Chin ramkulh ahhin Kawl ralkao an tam lo. Ralkap sakhan tampi a um nain ralkap an tlawm te. A tu Mindat lei belte hi a buai tuk caah ralkap nih Magwe lei in thazang an chap i Kawl ralkap 700 hrawng an um ti a si.

Mindat peng, Kanpetlet peng le Matupi peng fonh in ralkap a ummi pawl an si hna.

CNA hi 10,000 an tlin i hriamnam tling le tha an ngeih ahcun kan Chinram hi kanmah tein kan i uk kho lai.

Sinain Chin ramkulh chak lei Hakha peng, Thamtlang peng, Falam peng le Tedim peng ahhin Kawl ralkap an tam lo. An um ve ko nain minung tlawmpal te lawng an si.
Dr. Sui Khar nih a chimnak ahcun Hakha peng, Thantlang, Falam peng ahhin Kawl ralkap 120 hrawng an um i cucu an i chok tawn tiah a chim.

A fiang mi cu Chin ramkulh ahhin Kawl ralkap hi a tambik minung 1500 an tling lai lo. Cu hrawng te lawng cu a ummi a vakvai mi an si.

Kan CNA thazang hi minung 10,00 tling usih law hriamnam meithal tling tein i ngei dih kho sehlaw cu Chinram ah a ummi Kawl ralkap hi cu zarh khat kan lak dih ko hna hnga. Zarh khat ah kan tei dih hna hnga i Chinram cu kanmah tein kan i uk ko cang hnga.
Kawl ralkap hi bia le hla in tei khawh ding an si ti lo. Kum 70 deng an thluak ah uknak hi a um cangmi a si caah biaruahnak in cun a si kho ding a si ti lo.

Cu ruang ah meithal in kah an hau ve cang. Meithal tu in daihnak kan ser a hau cang. Meithal tu in kan ram luatnak kan hmuh ter a hau cang. Cu ruang ah CNA a thazang a thawn a biapi tuk.

Hriamtlai thazang a thawngmi poh Kawl ralkap nih a tih deuh hna. An naih ngam tuk hna lo. KIA zong khi an mah nih myone tampi an uk khawh.

A tu Chinram chung ah CNA le CDF fonh in cun minung 15,000 leng pi an si. Mah vialte hi meithal le hriamnam tling tein kan pek khawh hna ahcun Chinram chung a ummi Kawl ralkap pawl hi cu zarh khat ah kan thio dih khawh hna ding an si.

Leave a Comment

error: Content is protected !!