Chin Miphun Kan Caah A Pahnihnak Min Aung Hlaing

Nai hrawng Chin ramkulh Paletwa peng ah AA ralhrang an cawlcangh ning a zualhma ngaingai. Biatak tein CRHRO zong nih an rak doh mi a si.

AA ralhrang nih Paletwa peng Chin mino pawl hna cu khua khat ah minung 3 cio ah AA ah luh dih ding in an ti hna i hramhram in AA tintan an kaiter hna ti a si.

AA tintan a kaimi Chin mino hna cu AA ralhrang nih an hren tuk hna. Ti lo le rawl loin an chiah hna ruang ah le an pehtlaih ning hna a that lo ruang ah Chin mino tampi cu an zam hna tiah an chim.

AA tintan a kaimi Chin mino tampi a zammi hna cu AA ralhrang nih an dawi hna i an kawl hna. Meithal he an dawi hna i an kawl hna. Nu pakhat cu na pasal nan kawl lai an ti i a hnu lei in meithal in an hmuah chih tiah khuami hna nih an chim.

AA ralhrang nihcun khua pakhat cu lengchuah an khap hna i an phone zong an chuh dih hna tiah khuami hna nih an chim.

Cu ruang ah AA hriamtlai ruang ah Paletwa peng khuate tampi thinphang le lungrethei in an um ko hna tiah thawng theih a si.

AA nihhin ralkap nih uknak an lak hnu ab Peletwa peng ah Chinmi hna cu facang an kholh hna, phaisa an kholh hna i thing an ah i an zuar. A phunphun sipuaizi an tuah ti zong theih a si.

Paletwa peng khuate 40 hrawng cu AA uknak tang ah an um cang hna. AA nih khuami an duh ning poh in an tuah hna. An Vok le an Ar zong an thah piak hna.

AA hriamtlai nihhin Paletwa cu Rakhine ramkulh chung a si tiah an rak au pi. Kalantan tiva pi hi an mah nih uk i control an duh. Cu ruang ah Paletwa peng ah AA nih an thazang tampi an chap i hmun an khuar.

AA hriamtlai an bawi Tun Myat Naing hi Chinmi caah cun a pahnihnak Min Aung Hlaing bantuk a si. AA ruang ah Chinmi tampi an thi cang i hliam an tuar cang hna. Credit-Thestar

Leave a Comment

error: Content is protected !!