Min Aung Hlaing nih CNA a nihsawh sual cang hna

Min Aung Hlaing nih CNA a nihsawh sual cang hna. Min Aung Hlaing bia kha Chinmi nihcun philh awk a tha lo. Kan pa CNF pawl mi mithmai khap loin a rak tuah hna.

Min Aung Hlaing nih CNA a nihsawh sual cang hna

Kum 2012 lio ah Kawlram pumpi huap in ralkap le Tlangcung miphun hriamtlai hna kahdaihnak an rak tuah lio ah Min Aung Hlaing nih CNF kong tihin a rak chim.

CNF cu thazang zong an ngei lo. Minung tlawmpal te an si i chawnh awk tlak zong an si lo ka ti nain Aung Min nih a duh lo caah sawm ve ko hna usih a ti i kan sawm mi hna si tiah Min Aung Hlaing nih media sinah a rak chim. Cu a chimmi video cu a rak karh tuk i Chin miphun mithmai khap lo ngai in kan rak um.

Kum le can a hung liam lengmang i ralhrang nih uknak cu an van lak taktak. Ralhrang nih uknak an van lak hnu ah Tlangcung miphun hriamtlai an karh cio. Kawlram PDF zong an karh cio hna.

Ramchung kip ah buainak le kahnak fak a chuak. Min Aung Hlaing nih zei ah a rak rel lo bikmi CNF cu a tu ah ai buapi bak mi a si cang. Min Aung Hlaing caah ningzak taktak a si ve cang. Min Aung Hlaing a mualpho tertu Chinmi kan hung si cang.

Min Aung Hlaing uknak a lak hnu ah mipi nih an kan let ngam rua lai lo tiin a ruah nain Chinmi Mindat nih Lai meithal bak in ralhrang cu an thuat hmasa bik hna. Ralhrang Min Aung Hlaing a kap hamsa bik Chinmi kan si.

Cuticun Mindat ah kahnak a chuak. Pengtlang dang mino tete zong CNF sinah ralkap tintan an kai. CNF kan pa le nih thluak an chuak i CDF tiin mino pawl cu an umter hna. Raltuk an chimh hna i hriamnam an bawmh hna. Anmah nih an thithruai hna.

Nihin ni ah ralhrang nih an tih bikmi cu Chinram a si cang. Raltuknak ah an i har bikmi cu Chinram a si cang. Ralhrang nih uknak an lak hnu ah CDF sakhan pakhat zong an la kho rih lo. Kawl PDF pawl sakhan cu tam ngai an lak cang.

CDF le CNA nih Min Aung Hlaing ralhrang pawl cu an van phomh ciamman hna i lungmit lak in a um ko. Chinram kulh le Sagaing ramthen uk tu ralhrang Mongywa hrambunh tatmah hmu cu Min Aung Hlaing nih a tuletu a sik. Ral na tei lo na sung peng a ti i a tuletu in a thlen hna. Sinain zeihmanh si kho hlei lo. Ral an sung peng thiam.

Sagaing le Magwe ramthen chung Kalay peng, Gankaw peng le Yaw peng tiang in Chin ralkap hna nih hmunhma an lak cang. CNA tiang nih ralkap an thlak khawh cang hna. Sagaing le Magwe ramthen i PDF le hriamtlai pawl khi a tam deuh cu CNA nih tintan pekmi an si hna.

Min Aung Hlaing nih zei ngai ah a rak rel lo lomi CNF/CNA nih ralhrang cu mualpho in an tuah cang hna. Khoika khaute hmanh ah ralhrang an kal ngam ti lo. An umnak sakhan chung ah Helicopter in tirawl pek hau dirhmun an phan. Chin ramkulh ah ralhrang an mualpho ning a fak taktak khi a si. Credit-Thechinstar

Leave a Comment

error: Content is protected !!